അന്ന് രാത്രിയായിരുന്നു
നീ മുന്നില് നടന്ന കാലത്ത്
ഞാന് പിന്നില് ആയിരുന്നു
പിന്നീട് ഒപ്പം നടക്കാന്
എനിക്ക് അറിവായി
ഭൂമിയുടെ കറക്കത്തില്
ഒരു സമയത്ത് പതിയിരുന്നു
മണ്ണും വിണ്ണും പുഴയും കടലും
അടക്കയും നാളികേരവും
വഴിയും വീടും ഉറക്കവും ബോധവും
ആഘോഷങ്ങളും അട്ടഹാസങ്ങളും
തൂമ്പയും കൈകോട്ടും
കോടാലിയും വാളും
എന്റെ സ്വന്തമായ് മാത്രം
നിനക്ക് വേണ്ടതെല്ലാം
എന്നില് നിന്നു തേടണം
പിന്നെ ഞാന് മുന്നിലും
നീ പിന്നിലും ആയി
ധാന്യപുരക്കും ആയുധപുരക്കും
കാവല്ക്കാരെ നിയമിച്ചു
നിയമ പുസ്തകങ്ങളെഴുതി
അതിരുകളും കോട്ടകളും നിര്മ്മിച്ച്
അപ്പുറവും ഇപ്പുറവും
രാത്രിയും പകലും
നിയമത്തിന് കീഴിലാക്കി
എന്റെ ഭാഗം ഉറപ്പിച്ചു
വീഴുന്നവര് ഗതിയില്ലാത്തവര്
അവരെ വിധിയില് തളച്ചിടാം
ആരോപിക്കരുത് കുറ്റമെന്നില്
അവരെ ദൈവത്തിന്റെ മുന്നിലേക്ക്
പറഞ്ഞുവിടാന് കാരണങ്ങള് കണ്ടെത്താം
കര കാണാന് ശ്രമിച്ചവരെ
ചുട്ടു കരിച്ചു തള്ളി നീക്കി
വാടി വീണ ഹൃദയങ്ങലെല്ലാം
ചേര്ത്തു വെച്ചു കൊത്തിപണിത്
വിരുന്നു മുറിയില് ഒരുക്കി വെച്ചു
നാല്കാലിക്ക് പകരം ഇരുകാലിയെ വെച്ചു
നിന്നെയും
വളര്ത്തി സുന്ദരിയാക്കി
അണിയിച്ചൊരുക്കി
നിന്റെ സിന്ദൂരം തുടച്ചു മാറ്റിയും
വീണ്ടുമണിയിച്ചും
സുഗന്ധ ദ്രവ്യത്തില് മുക്കി
പഴച്ചാറുകള് നല്കി
ലഹരിയില് കിടത്തിയുറക്കി
എനിക്ക് രമിക്കുവാന്
എന്റെ ശീലങ്ങളുടെ മെത്തയാക്കി
നിന്നെ കൊതിയുള്ളവളാക്കി
നിന്നെയും എന്റെ സ്വത്താക്കി മാറ്റി
നിന്റെ നെറ്റിയില്നിന്നൂറിയ
വിയര്പ്പിന് കണങ്ങള് തന്നെ
ചുവപ്പ് തുള്ളികളായി വന്നു
നിന്നോട് കൂറ് കാണിച്ച മക്കള്
എന്റെ രതി നിര്വേദത്തിനു
തടസ്സം നിന്നവര്
No comments:
Post a Comment