നിന്നെ എന്നിലൂടെ
കാണുകയും കേള്ക്കയും അറിയുകയും
ചെയ്യുന്നത് എന്റെ അറിവിന്റെ
പരിധിയുടെ സ്വാതന്ത്ര്യം
എനിക്ക് മുന്പേ അതറിഞ്ഞവര്
എന്റെ അറിവിനെ ആയാസകരമാക്കി
അറിവിനെ അറിയും തോറും
പുതിയ ഭാവങ്ങള്ക്ക് നിറങ്ങള് അണിയുന്നു
എന്റെ ഇന്ദ്രിയങ്ങളിലൂടെ
നിന്റെ ഭാവങ്ങള് മനസ്സിലാക്കുവാന്
ഞാന് പ്രാപ്തി നേടുമ്പോള്
ഞാനും നീയും സ്വതന്ത്രരാകുന്നു
നിന്റെ അവസ്ഥകളെ അറിയുമ്പോള്
എന്റെ ചിന്തക്ക് കൂടുതല് വെളിച്ചം ലഭിക്കുന്നു
പുതിയ മാനം കാണുവാന്
ഈ അവസ്ഥകള് എന്നെ തയ്യാറാക്കുന്നു
സത്യത്തിന്റെ നിഴലില്
നിന്റെ വഴിയോരുക്കുവാന്
ഞാന് സഹായിയായാല്
എന്റെയും നിന്റെയും സ്വാതന്ത്ര്യം
പുതിയ രൂപത്തില് വളരുന്നു.
എന്റെ ഇന്ദ്രിയങ്ങളുടെ ശോഷിപ്പിലൂടെ
ഇല്ലാതാകുന്നത് എന്റെ മാത്രം അനുഭവം
എന്നിലേക്ക് വന്നു എത്തി നോക്കിയ അറിവുകള്
പുതിയ രൂപത്തില് ഇനിയും പ്രയാണം തുടരുന്നു
No comments:
Post a Comment