ഹസ്ഥിനപുരവും
ഇന്ദ്രപ്രസ്ഥവും
വരച്ചു വെച്ച
ആദ്യ പങ്കിന്റെ ഉദയം
പകുത്തുമാറ്റിയ
ആദ്യ വിഭജനത്തിനു
ഹരിശ്രീ കുറിച്ച ഭീഷ്മര്‍
പകുത്തു മാറ്റലില്‍
നേരില്ലെന്നരിഞ്ഞു
ദേഹം തളര്‍ന്നു വീണത്‌
ശരശയ്യയില്‍
തളര്‍ന്ന കണ്ണുകള്‍ നിന്ന്
അക്ഷയ പാത്രത്തിന്നടിതട്ടിലായ്
കാണാത്ത വറ്റുകളുടെ
കാഴ്ചയും കണ്ടു മടങ്ങി
സ്വകാര്യം പറഞ്ഞ വാക്കുകള്‍
സ്നേഹങ്ങള്‍ കണ്ട കണ്ണുകള്‍
പരിണയ മുഹൂര്‍ത്തങ്ങളുടെ
നിമിഷങ്ങളില്‍ നിന്നകന്ന്
മാറ്റിയ ദേഹങ്ങള്‍
മാറ്റിവെച്ച തലയോട്ടികള്‍
പകുത്തും പകര്‍ന്നും
തീരങ്ങള്‍ക്കരികില്‍ പ്രതിഷ്ട്ടിച്ചു
തിരിച്ചു വരാതെ
മണ്ണിനു കൂട്ടായി
മുളക്കുമിളം തളിരുകളുടെ
കുറുകല്‍ കണ്ടു നില്‍ക്കാതെ
നീങ്ങുന്ന പ്രവാഹം
തീരങ്ങളെ തഴുകിയവര്‍
യാത്രയെ ശപിച്ചു നിന്നല്പനേരം
കണ്ണീരുമായോഴുകുന്നു
ഓര്മ്മയിലെത്തുന്ന ചില നിമിഷങ്ങളിലെ ഭാവങ്ങള് ചില അസ്വസ്ഥതകള് ഒന്ന് വരച്ചു വെച്ചാലോ എന്ന് തോന്നിയതിന്റെ ഭാഗമായാണ് എഴുത്തിന്റെ തുടക്കം.ചില വാക്കുകള്‍ മേയ്യോഴുക്കില്ലാതെ മുഖം തിരിച്ചും മറഞ്ഞിരുന്നും വിഷമിപ്പിക്കുന്നു.ബോധം ആകട്ടെ എല്ലാ വാക്കുകളും ഒരേ പോലെ ഒരേ സമയത്ത് തരുന്നും ഇല്ല. ഞാനും എന്റെ മനസ്സും ആയുള്ള ഒരു മത്സരം.വാക്കുകള്‍ ആകുന്ന കളിമണ്ണില് ചിന്തയുടെയും ഭാവനയുടെയും കരസ്പര്ശം കൊണ്ട് ഒരു കളിമണ് ശില്പം മിനുക്കി എടുക്കുവാന് ഉള്ള ഒരു ശ്രമം.
No comments:
Post a Comment