സമയം അടുത്തെത്തി
ഇടറിയ ശബ്ദങ്ങളോട്
വേദനയുടെ
അശാന്തിയുടെ
നഷ്ടങ്ങളുടെ
കണക്കു പുസ്തകം തന്നു
പുകയുന്ന ചിതക്ക്‌ മുന്‍പില്‍
തനിച്ചു നില്‍ക്കുന്ന ശവങ്ങളോട്
വീണ്ടും ചോദിക്കുന്നു
സ്ഥാനം തെറ്റിയ
കൂട്ടലും കിഴിക്കലും നടത്തി
നുണകളുടെയും അസത്യങ്ങളുടെയും
പൂജ്യങ്ങളുടെയും പൂജാരിയായി
പൂര്‍ണ്ണതയില്ലാത്ത സ്ഥാനങ്ങളുമായി
പ്രണയങ്ങളില്ലാത്ത വരണ്ട ഭൂമിയിലേക്ക്‌
വളര്‍ച്ചയില്ലാത്ത വരള്‍ച്ചയിലേക്ക്
സ്വപ്നങ്ങളെ വലിചിഴവര്‍
നിന്നില്‍ നിന്ന് ജനിച്ച
കുഞ്ഞുങ്ങളെയും അനാഥരാക്കി
പാപങ്ങളുടെ കാവല്‍ക്കാരനായി
ജീര്‍ണ്ണിച്ച ഗന്ധം പരത്തുന്ന നിറം കലര്‍ത്തി
നിശ്ചലതയുടെ പ്രണയവും വഹിച്ചോഴുകുന്ന
ജടമായി തീര്‍ന്ന ബോധങ്ങള്‍ ബോധനങ്ങള്‍
പൂതങ്ങളുടെ കൈ പിടിച്ചു
ഭിക്ഷ യാചിക്കുന്നു.
ചിതയില്‍ നിന്നുയരുന്ന കണ്ണുകളില്‍
അശാന്തിയുടെ പുകയുന്ന കണക്കുകള്‍
നിനക്ക് സമയം നല്കുവാനിടം നല്‍കാതെ
ഓര്‍മ്മയുടെ വെറുപ്പിന്റെ ഇടത്തിലേക്ക്
നിന്റെ സമയത്തിന്റെ
വഴികളും നിറങ്ങളും
തിരിച്ചറിയേണ്ട പകലുകളും രാത്രിയും
പിറക്കേണ്ട കുഞ്ഞുങ്ങള്‍ക്കും
വികൃതമായ കാഴ്ച്ചയുടെ ഇരുട്ടില്‍ നിന്ന്
പിഴുതെടുത്ത്‌ ഇണ ചേര്‍ക്കുക
No comments:
Post a Comment